Khoobsurat Maut

Kal raat jab mein soya tha,
Ek ajeeb se sapne mein khoya tha.
Kehne KO to WO ek sapna hi tha,
Lekin us sapne mein chupa........
Bhavishya mera apna hi tha.
Ek bohat hi khoobsurat ladki se.
Meri mulaakat Hui thi,
Kuch is tarah se shuru,
Phir hamari baat Hui thi.
Usne muskurate hue mujhse poocha-
Kya tum mujhe pehchante ho?
Kaun hoo mein? Kya mera naam jaante ho?
Lekin mein anjaan bana use dekh raha tha,
Uski muskaan mein chupe Dard KO jhel raha tha.
Usne phir se kaha pehchano mujhe......
Mein maut hoo kya ab mujhe pehchana?
Mera tumhara kya rishta hai kya ab ye jaana?
Sadiyo se mein tumhe chahti hoo,
Tumhe apna maanti hoo.
Tum hamesha se mujhe bhool kar door ho jaate ho,
Meri Behan jindgi ke jaadu mein kho kyo majboor ho jaate ho?
Tum mujhe chor Gaye kuch nahi, lekin mujhe bhulaya kyo?
Us bewafa jindgi ke liye meri wafa KO rulaya kyo?
Aakhir mein laut kar to tumhe mere pass hi aana hai,
Jindgi ka kya hai usne to kuch pal hi saath nibhana hai.
Mujhe aaj bhi apne liye tumhare saath ka intzaar hai.
Aaj bhi tumhe paane ke liye mera dil bekarar hai.
Yaad rakho jindgi ek din tumhe thukrayegi.
Us din yaad tumhe meri hi aayegi.
Lekin mein us din bhi tumhe apna loongi.
Sab shikwe bhool kar tumhe gale laga loongi.
Itna pyar mein tumko doongi ki tum mere ho jaaoge.
Phir chahe koi laakh pukare tum wapas Na jaaoge.bus mere ho jaoge.bus
mere ho jaoge...............
WO sapna ab tak mere khayalo mein chaya hai.
Ab tak meri aankho mein khoobsurat maut ka saaya hai.
Soch raha hoo ab ye ki maut ki baat mein kitni sacchai hai?
Kya jindgi meri hamsafar nahi maut hi meri parchai hai?????


by raj_batra81@yahoo.co.in