armano ki banjar dharti par nanhi si kopal ban jaati ho,
baago mein khilte phoolo si sundar komal ban jaati ho.
jab tum muskurati ho........................
khamoshi se bhari mehfil mein sangeet ki tarang ban jaati ho,
neeras vyakul antarman mein,aanand ki umang ban jaati ho,
jab tum muskurati ho.....................
manjil se bhatke raahi ki jagmagati raah ban jaati ho,
asfalta ki aashanka mein safalta ki chah ban jaati ho,
jab tum muskurati ho,...............
patjhad se sookhi waadi mein basant ki aas ban jaati ho,
andhkaar se bhare bhavishya mein bhor ka prakash ban jaati ho,
chehre par kuch arth liye jab mand mand muskaati ho,
amulya anjaani khushiyo se mere jeewan ko mehkaati ho.
"raj"
0 comments:
Post a Comment